თბილისი, 24 მარტი — Sputnik. ისნის რაიონის მოსახლეობის ნაწილს ბუნებრივი აირის მიწოდება დროებით შეეზღუდება, იუწყება გაზგამანაწილებელი კომპანია „თბილისი ენერჯი" (Tbilisi Energy).
უწყების ცნობით, ქსელის სარეაბილიტაციო სამუშაოების გამო, 7,5 ათას აბონენტს ბუნებრივი აირის მიწოდება 24 მარტის 22:00 საათიდან 25 მარტის 10:00 საათამდე შეუწყდება.
გაზმომარაგება შეუწყდება როგორც მოსახლეობის ნაწილს, ისე აღნიშნულ ტერიტორიაზე არსებულ დაწესებულებებს, კომერციულ და სავაჭრო ობიექტებს.
კომპანიის ცნობით, გაზმომარაგების აღდგენა 25 მარტის 10:00 სთ-იდან დაიწყება და 18:00 საათამდე სრულად აღდგება.
„თბილისი ენერჯი" აბონენტებს შექმნილი დისკომფორტის გამო ბოდიშს უხდის.