თბილისი, 23 მარტი — Sputnik. დაზუსტებული მონაცემებით, 2025 წელს საქართველოს მშპ-ის რეალურმა ზრდამ, 2024 წელთან შედარებით, 7,5% შეადგინა, ნათქვამია საქართველოს სტატისტიკის ეროვნული სამსახურის „საქსტატის“ მასალებში.
ამრიგად, ეკონომიკური ზრდის საშუალო მაჩვენებელი წინასწარ მონაცემებთან შედარებით უცვლელი დარჩა.
დაზუსტებული მონაცემებით, მიმდინარე ფასებში 2025 წელს მშპ-ის მოცულობამ 104,6 მლრდ ლარი შეადგინა. აღნიშნულ პერიოდში დეფლატორმა 4,6%, მშპ-მ კი ერთ სულ მოსახლეზე - 10,3 ათასი დოლარი შეადგინა.
ეკონომიკის რომელი სფეროები იზრდება
2025 წელს ყველაზე დიდი ზრდა ინფორმაციისა და კომუნიკაციების, განათლების, საფინანსო და სადაზღვევო საქმიანობების, ასევე ასევე კულტურის, გართობისა და დასვენების სფეროებში დაფიქსირდა.
2025 წელს ეკონომიკის სფეროების ტოპ-5, სადაც ყველაზე მაღალი ზრდა დაფიქსირდა
ეკონომიკის სფერო | ზრდა, % |
ინფორმაცია და კომუნიკაცია | 28,7 |
განათლება | 24,5 |
საფინანსო და სადაზღვევო საქმიანობა | 12,9 |
ადმინისტრაციული საქმიანობა | 12,4 |
ხელოვნება, დასვენება, გართობა | 12,3 |
ვარდნა დაფიქსირდა ელექტროენერგიის, აირის, ორთქლის და კონდიცირებული ჰაერის მიწოდების (4,5-ით%), სოფლის, სატყეო და თევზის მეურნეობის (4,5%-ით), სამთომოპოვებითი მრეწველობის (3%-ით) სფეროებში.
მშპ-ის სტრუქტურაში ყველაზე მაღალი ხვედრითი წილი აქვს შემდეგ სფეროებს: ვაჭრობა, უძრავი ქონება, გადამამუშავებელი მრეწველობა.
2025 წელს ეკონომიკის სფეროების ტოპ-5 მშპ-ის სტრუქტურაში ყველაზე მაღალი ხვედრითი წილით
ეკონომიკის სფერო | ზრდა, % |
ვაჭრობა | 3,8 |
უძრავი ქონება | 5,0 |
გადამამუშავებელი მრეწველობა | 3,9 |
ინფორმაცია და კომუნიკაცია | 28,7 |
მშენებლობა | 0,8 |