ნოვრუზი გაზაფხულის ბუნიობის დღეს აღინიშნება და ყოველწლიურად 20-21 მარტს ემთხვევა - დღესასწაული ადრე 13 დღის განმავლობაში აღინიშნებოდა და ზოგიერთ ქვეყანაში ეს ჩვეულება დღემდეა შემორჩენილი.
ნოვრუზმა ოფიციალური სტატუსი სპარსეთის აქემენიდების იმპერიის დროს, ძვ. წ. VI-IV საუკუნეებში შეიძინა. დღესასწაულის ტრადიციები სხვადასხვა ქვეყანაში მსგავსია: მორწმუნეები სახლს ალაგებენ, ამშვენებენ და სადღესასწაულო საკვებს ამზადებენ.
დღემდე შემორჩა ტანსაცმლის გარეცხვის ჩვეულება წლის განმავლობაში დაგროვილი ნეგატიური ენერგიის „ჩამოსარეცხად“. ზოგიერთ ქვეყანაში დღესასწაულის წინა დღეს, ხალხი ქუჩებში კოცონს ანთებს, რათა ადამიანებმა განწმენდის რიტუალი შეასრულონ.
დღემდე შემორჩა გამდინარე წყალზე გადახტომის ჩვეულება - გასული წლის ნეგატივის მოსაშორებლად. პირველ სტუმარზეა დამოკიდებული, იქნება თუ არა ახალი წელი წარმატებული.
ნოვრუზ-ბაირამის დღესასწაული იუნესკოს არამატერიალური კულტურული მემკვიდრეობის სიაშია შეტანილი. 2010 წელს გაეროს გენერალურმა ასამბლეამ 21 მარტი ნოვრუზის საერთაშორისო დღედ გამოაცხადა.