თბილისი, 14 მარტი — Sputnik. საქართველოში განხორციელებული პირდაპირი უცხოური ინვესტიციების მოცულობა 2025 წელს, წინასწარი მონაცემებით, 2024 წელთან შედარებით 7,6%-ით გაიზარდა და 1.688,7 მლნ აშშ დოლარი შეადგინა, ნათქვამია საქართველოს სტატისტიკის ეროვნული სამსახურის „საქსტატის“ მონაცემებში.
ინვესტიციების გაზრდის მთავარ მიზეზად სახელდება სააქციო კაპიტალის და რეინვესტირების მაჩვენებლის ზრდა.
ჯამში, 2025 წელს სააქციო კაპიტალის მოცულობა 2024 წელთან შედარებით 15,3%-ით გაიზარდა და 601,8 მლნ დოლარი შეადგინა. ინვესტიციებში წილი 35,6%-ს შეადგენს.
რაც შეეხება სავალო ვალდებულებებს, რომელშიც სავაჭრო კრედიტები და სესხები აისახება, ამ მაჩვენებელმა 310,9 მლნ დოლარი შეადგინა.
გარდა ამისა, რეინვესტიციები გაიზარდა 3,8%-ით და 1397,8 მლნ დოლარი შეადგინა.
ინვესტიციები საქართველოში 2025 წელს. ქვეყნების ტოპ-სამეული
ქვეყანა | მოცულობა, მლნ დოლარი | წილი ინვესტიციებში, % |
დიდი ბრიტანეთი | 334,2 | 19,8 |
თურქეთი | 180,8 | 10,7 |
მალტა | 70,0 | 10,3 |
ინვესტიციები ასევე შემოვიდა აშშ-დან, აზერბაიჯანიდან, ნიდერლანდებიდან, ესპანეთიდან, რუსეთიდან, ისრაელიდან, გერმანიიდან, დანიიდან და სხვა ქვეყნებიდან.
რა სფეროებში ჩაიდო ინვესტიციები
2025 წელს საქართველოში ინვესტირებისთვის ყველაზე პოპულარული დარგები იყო ფინანსური და სადაზღვევო სექტორი, უძრავი ქონება და ტრანსპორტი.
ინვესტიციები საქართველოში 2025 წელს. მოწინავე დარგების ტოპ-სამეული
დარგი | მოცულობა, მლნ დოლარი | წილი ინევსტივიებში, % |
ფინანსები და სადაზღვევო საქმიანობა | 607,0 | 35,9 |
უძრავი ქონება | 185,7 | 11 |
ტრანსპორტი | 166,1 | 9,8 |
ინვესტიციები ასევე განხორციელდა გადამამუშავებელ მრეწველობის, ინფორმაციისა და კომუნიკაციების, ენერგეტიკის, მშენებლობის, წყალმომარაგების და შემოსავლების მართვის, ვაჭრობის, ხელოვნების, დასვენებისა და გართობის, ასევე ფინანსური და სადაზღვევო საქმიანობის სფეროებში.