ახლა, შატალოს მოყვარულ მოსწავლეებს და მათ, ვისაც სწავლა არ სურს და ცუდი ყოფაქცევით ხასიათდება, უფრო სწორად, მათ ოჯახებს, სასჯელი ელის. იმ მოსწავლეების მშობლები, ვინც ხშირად არღვევს სკოლის დისციპლინას, 100 ლარით ან მეტით დაჯარიმდება. საქართველოს განათლების სამინისტროს სოცმუშაკები ასეთი მოსწავლეების ოჯახებთან შეხვედრებს მართავენ.
ადრე, თუ მოსწავლე გაკვეთილებს აცდენდა, მაგრამ სკოლაში 90 დღის მანძილზე თუნდაც ერთხელ მაინც გამოცხადდებოდა, ის საგანმანათლებლო დაწესებულებაში მაინც ირიცხებოდა. ახლა, მოსწავლეს შეიძლება შეუჩერდეს სტატუსი, თუ ის 20 დღეს არასაპატიო მიზეზით გააცდენს. თუმცა, მანამდე მის ოჯახთან კონსულტაციები გაიმართება და რადიკალური ზომები შემდეგ გატარდება.