თბილისი, 6 მარტი — Sputnik. ქარელში მომხდარ ავტოსაგზაო შემთხვევას 21 წლის მამაკაცის სიცოცხლე ემსხვერპლა, იუწყება ქართული მედია.
არსებული ინფორმაციით, მოტოციკლით მოძრავი ახალგაზრდა ბოძს შეეჯახა, შედეგად ის ადგილზევე გარდაიცვალა.
მომხდართან დაკავშირებით შსს-მ გამოძიება 276-ე მუხლის მე-6 ნაწილით დაიწყო, რაც გულისხმობს სატრანსპორტო საშუალების მოძრაობის უსაფრთხოების წესის დარღვევას, რამაც გამოიწვია ადამიანის სიცოცხლის მოსპობა.