1-ელი აპრილიდან ახალი წესები ამოქმედდება - შეძლებენ თუ არა მოწინააღმდეგეები სიტუაციის შეცვლას? თუ ახალი კანონი ძალაში შევა, რამდენად აისახება იგი საქართველოს ავტობაზარზე არსებულ ფასებზე?
ავტოიმპორტიორები დარწმუნებული არიან, რომ მოსახლეობის დიდი ნაწილი ვერ შეძლებს აშშ-დან და აზიიდან 6 წელზე ნაკლები ასაკის ავტომობილის ჩამოყვანას შედარებით მაღალი ფასების გამო. ხელისუფლება კი აცხადებს, რომ ქვეყანაში მეორადი ავტომობილების რაოდენობა საკმაოდ დიდია.
მთავრობამ გადაწყვიტა ძველი ავტომობილების რაოდენობის კატასტროფული ზრდა საკუთარი აკრძალვით შეზღუდოს. მარტო თბილისში ავტომობილების რაოდენობა 1 მილიონს აღწევს, ქვეყნის მასშტაბით კი 2 მლნ-ზე მეტი ავტომობილია. ამასთან, ავტომობილების უმეტესობა 10 წელზე მეტი ასაკისაა. დაბალი ღირებულების გამო გზებზე მეორადი ავტომობილების რაოდენობა ყოველწლიურად 50-60 ათასით იზრდება.