თბილისი, 14 თებერვალი - Sputnik. უკრაინის პრეზიდენტმა ვოლოდიმირ ზელენსკიმ მიუნხენის უსაფრთხოების კონფერენციაზე სიტყვით გამოსვლისას უნგრეთის პრემიერ-მინისტრ ვიქტორ ორბანის შესახებ შეურაცხმყოფელი გამოთქმა გამოიყენა.
„მხოლოდ ერთ ვიქტორს შეუძლია იფიქროს საკუთარი ღიპის გაზრდაზე და არა იმაზე, თუ როგორ გაზარდოს არმიის შემადგენლობა, რათა ბუდაპეშტის ქუჩებში რუსული ტანკების დაბრუნება შეაჩეროს“, - თქვა ვოლოდიმირ ზელენსკიმ.
უნგრეთის პრემიერს მყისიერი რეაქცია ჰქონდა ზელენსკის სიტყვებზე. ორბანმა სოციალურ ქსელ X-ში დაწერა:
„მადლობა უკრაინის ევროკავშირში გაწევრიანების მხარდამჭერი კიდევ ერთი წინასაარჩევნო გამოსვლისთვის - ეს უნგრელებს სიტუაციის კიდევ უფრო ნათლად დანახვაში დაეხმარება, თუმცა, არის რაღაც, რასაც არასწორად იგებ: ეს დებატები არც მე და არც შენ გეხება. საქმე უნგრეთის, უკრაინისა და ევროპის მომავალს ეხება. სწორედ ამიტომ ვერ გახდები ევროკავშირის წევრი“.