თბილისი, 13 თებერვალი - Sputnik. მოლაპარაკებათა მომდევნო რაუნდი რუსეთს, აშშ-სა და უკრაინას შორის ჟენევაში გაიმართება, განაცხადა პარასკევს რუსეთის ლიდერის პრესმდივანმა დმიტრი პესკოვმა.
„უკრაინული დარეგულირების შესახებ მოლაპარაკებების შემდეგი რაუნდი ასევე სამმხრივ რუსეთ-ამერიკულ-უკრაინულ ფორმატში 17-18 თებერვალს ჟენევაში გაიმართება“, - განაცხადა პესკოვმა.
მან აღნიშნა, რომ მოლაპარაკებებზე რუსეთის დელეგაციას პრეზიდენტის თანაშემწე ვლადიმირ მედინსკი უხელმძღვანელებს.
მანამდე რამდენიმე მედიასაშუალება იუწყებოდა, რომ მოლაპარაკებების შემდეგი რაუნდი შესაძლოა აბუ-დაბიში ან მაიამიში გაიმართოს.
მოლაპარაკებების პირველი რაუნდი 23-24 იანვარს, ხოლო მეორე - 4-5 თებერვალს გაიმართა. აშშ-ის პრეზიდენტის სპეციალურმა წარმომადგენელმა სტივ უიტკოფმა განაცხადა, რომ სამმხრივი მოლაპარაკებების მონაწილეებმა კონსულტაციების გაგრძელება მომდევნო კვირებში გადაწყვიტეს.