თბილისი, 11 თებერვალი — Sputnik. 2025 წელს საქართველოს მოქალაქეებმა საზღვარგარეთ თითქმის 2,4 მლრდ ლარი დახარჯეს, რაც 5,9%-ით მეტია 2024 წლის მაჩვენებელთან შედარებით, ნათქვამია საქართველოს სტატისტიკის ეროვნული სამსახურის „საქსტატის“ მასალებში.
თითოეული მოგზაური საქართველოდან უცხოეთში ვიზიტის დროს საშუალოდ 1068,6 ლარს ხარჯავდა - 6%-ით მეტს, ვიდრე 2024 წელს. ყველაზე მეტი თანხა ქართველმა ტურისტებმა დახარჯეს შოპინგზე, საკვებსა და განთავსებაზე.
საქართველოს მოქალაქეების ხარჯები საზღვარგარეთ - 2025 წელი
ხარჯების დასახელება | ხარჯები, მლნ ლარი | წილი მთლიან ხარჯში, % | ხარჯები ვიზიტზე, ლარი |
საყიდლები | 977,6 | 40,7 | 435,1 |
კვება | 605,9 | 25,2 | 269,7 |
განთავსება | 333,8 | 13,9 | 148,6 |
ადგილობრივი ტრანსპორტი | 269,3 | 11,2 | 119,9 |
გართობა | 104,3 | 4,3 | 46,4 |
სხვა ხარჯები | 109,7 | 4,6 | 48,8 |
2025 წელს საქართველოს მოქალაქეებმა საზღვარგარეთ 2,9 მლნ ვიზიტი განახორციელეს, რაც გასული წლის მაჩვენებლებზე 2,8%-ით მეტია.
გასვლითი ვიზიტების უმეტესობა (43,5%) 31-50 წლის რეზიდენტებმა განახორციელეს.
ტურისტული ვიზიტების საერთო რაოდენობამ შედგინა 1,5 მილიონი, რაც 4,3%-ით მეტია 2024 წლის მაჩვენებელთან შედარებით. ვიზიტების დიდი ნაწილი განხორციელდა თურქეთში – 36,2%, რუსეთში – 15,9%, სომხეთში - 14,4%, აზერბაიჯანში - 1,9% და ევროკავშირის ქვეყნებში – 18%.
ვიზიტების მიზანი იყო მეგობრებთან და ნათესავებთან სტუმრობა.
საქართველოს მოქალაქეების საზღვარგარეთ მოგზაურობის მიზანი - 2025 წელი
ვიზიტის მიზანი | ტურისტების რაოდენობა, ათასი | წილი ტურისტების საერთო რაოდენობაში,% |
მეგობრებთან და ნაცნობებთან სტუმრობა | 811,9 | 36,1 |
შოპინგი | 685,0 | 30,5 |
გართობა და დასვენება | 439,8 | 19,6 |
პროფესიული საქმიანობა | 206,5 | 9,2 |
მკურნალობა | 54,5 | 2,4 |
სხვა | 48,8 | 2,2 |
ამ პერიოდში საქართველოს მოქალაქეების საზღვარგარეთ ვიზიტების ხანგრძლივობამ საშუალოდ 6,97 ღამე შეადგინა, რაც 0,1%-ით ნაკლებია 2024 წლის მაჩვენებელზე.
2024 წელს საქართველოს მოქალაქეებმა საზღვარგარეთ 2,8 მლნ ვიზიტი განახორციელეს, რაც 2023 წლის მაჩვენებლებზე 1,4%-ით ნაკლებია. ვიზიტების დიდი ნაწილი განხორციელდა თურქეთში – 37,4%, რუსეთში – 18,3%, სომხეთში – 12,1%, აზერბაიჯანში - 2,2% და ევროკავშირის ქვეყნებში –16,3%.
2024 წელს საქართველოს მოქალაქეებმა საზღვარგარეთ თითქმის 2,3 მილიონი ლარი დახარჯეს, რაც 11,3%-ით მეტია 2023 წელთან შედარებით.