მიუხედავად იმისა, რომ რეიტინგი ბოლო წლებში ოთხი პუნქტით - 74-დან 70 ქულამდე შემცირდა, ორგანიზაცია აღნიშნასვს, რომ ყველა მოქალაქეს აქვს ინტერნეტზე თავისუფალი წვდომა, საიტები არ იბლოკება, აზრის ონლაინ-გამოხატვა კი საერთაშორისო სტანდარტებითაა დაცული.
ამასთან, ოპოზიციის რიგი აქტივისტები და ჟურნალისტები სამართალდამრღევვად ცნეს სოცმედიაში მწვავე და შეურაცხმყოფელი პოსტებისა და მოწოდებების გამო - საქართველოში ახალი კანონები ამოქმედდა.
სოცქსელებში გამოქვეყნებულ პოსტებზე რეაგირების ერთ-ერთი ინიციატორი „ქართული ოცნების“ წევრი ირაკლი კირცხალიაა. მისი თქმით, მსგავსი პუბლიკაციები „სიძულვილს, შეურაცხყოფას აღვივებს და შინაარსით უკიდურესად დესტრუქციულია“. საქართველოში პირველად დადგა საკითხი ინტერნეტ-სივრცეში აგრესიულ გამოთქმებზე სისტემური რეაგირების შესახებ.
ამას სამოქალაქო საზოგადოების, მედიისა და უფლებადამცელების მხრიდან მწვავე კრიტიკა მოჰყვა. მათ ინტერნეტ-პოსტის გამო პასუხისმგებლობის დაკისრება ადამიანის უფლებებისა და სიტყვის თავისუფლების დარღვევად შეაფასეს. „ქართულ ოცნებაში" მიაჩნიათ, რომ ინტერნეტ-სივრცეში სიძულვილის კამპანიაში მონაწილეობა და შეურაცხყოფის გავრცელება დაუშვებელია.