ზამთრის ოლიმპიური თამაშების გახსნის მასშტაბური ცერემონია მილანში.
ცერემონიას 70 ათასზე მეტი მაყურებელი ესწრებოდა.
ოლიმპიური თამაშების გახსნის ცერემონია „სან-სიროს" სტადიონზე გაიმართა.
სტუმრების დიდი რაოდენობა, ლამაზი შოუ - ზამთრის სპორტის მოყვარულთათვის ნამდვილი დღესასწაული.
შოუში მონაწილეობის მისაღებად უამრავი არტისტი, მოცეკვავე და მუსიკოსი იყო მიწვეული.
ცერემონია ლა-სკალას აკადემიის 70 მოცეკვავის წარმოდგენით დაიწყო.
ეს იყო ოლიმპიური თამაშების გახსნის პირველი ცერემონია, რომელიც ერთდროულად რამდენიმე ადგილას გაიმართა.
ოლიმპიური თამაშების გახსნის ცერემონიის ნაწილი კორტინაში, ლივინიოსა და პრედაცოში გაიმართა.
ეს გაკეთდა იმისთვის, რომ რაც შეიძლება მეტი ადამიანი ყოფილიყო ჩართული გრანდიოზულ ზეიმში.
დღესასწაული ნამდვილად შედგა.
დამონტაჟებული იყო ორი თასი ოლიმპიური ცეცხლით - მილანში, „სან-სიროს" სტადიონზე და კორტინა დ’ამპეცოში.
ეს სიმბოლურად გამოხატავდა თამაშების ორი განსხვავებული ლოკაციის: მეგაპოლისისა და მთის კურორტის ერთიანობას.
ზამთრის ოლიმპიურ თამაშებში 90-ზე მეტი ქვეყნის 2800-ზე მეტი სპორტსმენი იღებს მონაწილეობას.
სპორტის რვა სახეობაში (16 დისციპლინა) მედლების 116 კომპლექტი გათამაშდება.
ზამთრის ოლიმპიური თამაშები 22 თებერვლამდე გაგრძელდება.