როგორ შეიცვალა ფასები საქართველოში - იანვრის მონაცემები

თბილისი, 4 თებერვალი — Sputnik. საქართველოში წლიური ინფლაცია (2026 წლის იანვარი 2025 წლის იანვართან) 4,8% შეადგინა, მიზნობრივი მაჩვენებელი კი 3%-ია, ნათქვამია ეროვნული სტატისტიკის სამსახურის (საქსტატის) მასალებში.

წინა თვის განმავლობაში, საქართველოში წლიურმა ინფლაციამ (2025 წლის დეკემბერი 2024 წლის დეკემბერთან) 4% შეადგინა.

ფასები ყველაზე მეტად გაიზარდა სურსათსა და უალკოჰოლო სასმელებზე (10,6%), შემდეგ მოდის ჯანდაცვა (8,3%), სასტუმროები და რესტორნები (8,1%), ალკოჰოლური და თამბაქოს ნაწარმი (3,5%) და განათლების სფერო (2,2%).

ფასები შემცირდა კომუნიკაციებზე (4,6%), დასვენებასა და გართობაზე (2,5%), ავეჯზე, საყოფაცხოვრებო ნივთებსა და სახლის მოვლა-პატრონობაზე (0,6%) და ტრანსპორტზე (0,3%).

კომუნალური მომსახურების ტარიფები უცვლელი დარჩა.

2026 წლის იანვარში, 2025 წლის დეკემბერთან შედარებით, ინფლაციის დონემ 1,2% შეადგინა.