თბილისი, 2 თებერვალი — Sputnik. სპორტულმა გამოცემა Sportbible-მა მსოფლიო ტოპ-10 საუკეთესო მარცხენა გარემარბი დაასახელა.
გამორჩეული გარემარბენის სიას სათავეში ხვიჩა კვარაცხელია უდგას:
„კვარაცხელია, ფლანგზე ნაჩვენები ბრწყინვალე თამაშით, „პარი სენ-ჟერმენს" ოთხი ტიტულის მოგებაში დაეხმარა. პარიზულმა კლუბმა ხვიჩა სეზონის შუაში გაიფორმა და მისმა გამოსვლამ, როგორც საფრანგეთის ჩემპიონატში, ისე ევროტურნირებზე, ავანსები სრულად გაამართლა“, - წერს გამოცემა.
ტოპ- ათეული ასე გამოიყურება:
1.
ხვიჩა კვარაცხელია;2.
ვინისიუს ჯუნიორი;3.
რაფინია;4.
ნიკო უილიამსი;5.
ბრედლი ბარკოლა;6.
კოდი გაკპო;7.
ლუის დიასი;8.
რაფა ლეაუ;9.
ენტონი გორდონი;10.
მარკუს რაშფორდი.ხვიჩა კვარაცხელია „პარი სენ-ჟერმენის“ წევრი 2025 წლის იანვარში გახდა. იგი ფრანგულ კლუბს „ნაპოლიდან“ შეუერთდა და მაისში ჩემპიონთა ლიგის გამარჯვებული გახდა.
2025 წელს „პარი სენ-ჟერმენთან“ ერთად ხვიჩა კვარაცხელიამ საფრანგეთის ჩემპიონატი, ქვეყნის თასი, ჩემპიონთა ლიგა და უეფას სუპერთასი მოიგო.
24 წლის კვარაცხელია 2025 წლის „ოქროს ბურთის“ ფინალში მოხვდა და საბოლოო სიაში მე-12 ადგილზე გავიდა. ის „ოქროს ბურთის“ ნომინანტებს შორის კარიერაში მეორედ დასახელდა. 2023 წელს კვარაცხელია მე-17 ადგილზე გავიდა.