თბილისი, 31 იანვარი - Sputnik. იტალიაში ოლიმპიურ თამაშებზე საქართველოს ეროვნული ნაკრების მედროშე იქნება ქართველი და რუსი მოციგურავე დიანა დევისი, ფიგურული სრიალის მწვრთნელის, ეთერი თუთბერიძის ქალიშვილი, ინფორმაციას საქართველოს ეროვნული ოლიმპიური კომიტეტი ავრცელებს.
ოლიმპიური თამაშები 6-დან 22 თებერვლამდე იტალიის ქალაქებში, მილანსა და კორტინა დ’ამპეცოში ჩატარდება. გახსნის ცერემონია 6 თებერვალს გაიმართება.
დევისთან ერთად, გახსნის ცერემონიაზე ქვეყნის დროშას დაიკავებს ლუკა ბერულავა, რომელიც საქართველოს ანასტასია მეტელკინასთან ერთად წარადგენს. დახურვის ცერემონიაზე მედროშეები მოთხილამურეები ლუკა ბუჩუკური და ნინო წიკლაური იქნებიან.
2023 წლის ივნისში რუსეთის ფიგურული სრიალის ფედერაციის აღმასრულებელმა კომიტეტმა დაამტკიცა საქართველოს განაცხადი დევისისა და მისი პარტნიორის, გლებ სმოლკინის, საქართველოში გადმოსვლის შესახებ. დევისს აქვს როგორც ამერიკის, ასევე საქართველოს მოქალაქეობა. წყვილი რუსეთის ეროვნული ნაკრების შემადგენლობაში 2022 წლის პეკინის ოლიმპიურ თამაშებზე ასპარეზობდა. მათ მიღწევებს შორისაა ვერცხლის მედალი რუსეთის ჩემპიონატზე და გამარჯვება პოლონეთში Challenger Series ტურნირზე.