თბილისი, 27 იანვარი — Sputnik. დმანისის მუნიციპალიტეტში ქმარმა ცოლი მოკლა, იუწყება ტელეკომპანია „TV პირველი“.
შემთხვევა დმანისის მუნიციპალიტეტის სოფელ ზემო ყარაბულახში დღეს მოხდა.
გავრცელებული ინფორმაციით, შუახნის მამაკაცმა ცოლს ჭრილობები ცივი იარაღით მიაყენა.
პოლიციამ მკვლელობაში ეჭვმიტანილი მამაკაცი დააკავა.
მომხდარზე გამოძიება სსკ-ის 11 პრიმა 109-ე მუხლით მიმდინარეობს, რაც დამამძიმებელ გარემოებებში, ოჯახის წევრის განზრახ მკვლელობას გულისხმობს.