თბილისი, 13 იანვარი – Sputnik. სერბეთის დედაქალაქ ბელგრადში წყალბურთის ევროპის ჩემპიონატზე საქართველოს ნაკრები 13 იანვარს მეორე მატჩს ხორვატიის წინააღმდეგ გამართავს.
შეხვედრა თბილისის დროით 15:45 საათზე დაიწყება.
პირველ ტურში საქართველოს ნაკრები საბერძნეთთან ანგარიშით 6:20 დამარცხდა, ხოლო ხორვატიამ სლოვენიას 20:4 სძლია.
მომდევნო ეტაპზე თითო ჯგუფიდან სამ-სამი საუკეთესო გუნდი გადის.
საქართველოს ნაკრების შემადგენლობა:
1.
ირაკლი რაზმაძე2.
საბა ტყეშელაშვილი3.
ვატო დადვანი4.
ნიკა შუშიაშვილი5.
ანდრო ბითაძე6.
დუშან ვასიჩი7.
სანდრო ადეიშვილი8.
იოვან სარიჩი9.
რევაზ იმნაიშვილი10.
გიორგი მაგრაქველიძე11.
ველკო ტანკოსიჩი12.
სტეფან პიეშივაცი13.
გიორგი გვეტაძე14.
ანდრია ვლაოვიჩი15.
ლუკა ჩიქოვანი.საქართველოს ნაკრები ჯგუფის ბოლო შეხვედრას 17 იანვარს სლოვენიასთნ ჩაატარებს.
ქართველი წყალბურთელები ევროპის ჩემპიონატზე ზედიზედ მეშვიდედ ასპარეზობენ, საუკეთესო შედეგი 2022 წელს დააფიქსირეს – შეჯიბრება მე-8 ადგილზე დაასრულეს.
2026 წლის ევროპის ჩემპიონატზე საქართველოს ნაკრები B ჯგუფში მოხვდა, სადაც მისი მეტოქეები საბერძნეთის, სლოვენიისა და ხორვატიის ნაკრებები იქნებიან. ჯგუფის ფავორიტებად საბერძნეთი და ხორვატია მიიჩნევიან, თუმცა საქართველოს გუნდს არაერთხელ დაუმტკიცებია, რომ გრანდებთან თამაშიც წარმატებით შეუძლია.