თბილისი, 8 იანვარი — Sputnik. უკრაინაში დასავლელი სამხედროების გამოჩენას მოსკოვი ინტერვენციად შეაფასებს, განაცხადა რუსეთის საგარეო საქმეთა სამინისტროს სპიკერმა მარია ზახაროვამ „მსურველთა კოალიციის“ ახალი დეკლარაციის კომენტირებისას.
„უკრაინის ტერიტორიაზე დასავლეთის ქვეყნების სამხედრო დანაყოფების, სამხედრო ობიექტების, საწყობებისა და სხვა ინსფრასტრუქტურის განთავსება კვალიფიცირებული იქნება როგორც უცხოური ინტერვენცია, რომელიც პირდაპი საფრთხეს უქმნის არა მხოლოდ რუსეთს, არამედ ევროპის სხვა ქვეყნებსაც. ყველა ასეთი დანაყოფი და ობიექტი განხილული იქნება კანონიერ საბრძოლო სამიზნედ“, — აღნიშნა ზახაროვამ.
ზახაროვას თქმით, ზემოხსენებული დოკუმენტი უკრაინის მილიტარიზაციას, ესკალაციასა და საომარი მოქმედებების გაფართოებას ემსახურება.