საშობაო ტრადიცია: „ალილოობა“ თბილისში – ფოტო

მსვლელობა, ტრადიციულად, რესპუბლიკის მოედნიდან დაიწყო და სამების ტაძართან დასრულდა, სადაც საშობაო წირვა აღევლინა. თბილისელები მსვლელობის მონაწილეებს გადასცემენ საჩუქრებსა და შემოწირულობებს, რომლებიც შემდეგ დღეებში გაჭირვებულებს, ობოლ ბავშვებს და მოხუცებულთა სახლის ბინადრებს დაურიგდება.

1 / 12

„ალილო“ საშობაო სიმღერაა, რომელიც სრულდება შობის წინა ღამეს. ეს სახელწოდება ასევე ერგო მრავალი საუკუნის წინ გაჩენილ ტრადიციას.

2 / 12

„ალილოს“ მთავარი გმირები „მახარობლები“ არიან - თეთრ ტანსაცმელში შემოსილი ბავშვები, რომლებიც შობის დადგომას გალობით ეგებებიან.

3 / 12

„ალილო“ ყოველთვის საქველმოქმედო ხასიათს ატარებს.

4 / 12

შობას საქართველოში ადამიანები აგროვებდნენ შემოწირულობას და უპოვართ გადასცემდნენ მათ.

5 / 12

საქართველოში მრავალი საუკუნის მანძილზე „ალილოს“ ტრადიციას მკაცრად იცავდნენ.

6 / 12

თუმცა საბჭოთა ხელისუფლების მოსვლის შემდეგ საშობაო საქველმოქმედო მსვლელობები აიკრძალა, ტრადიცია მხოლოდ 90-იან წლებში, საქართველოს კათოლიკოს-პატრიარქ ილია მეორის ინიციატივით აღდგა.

7 / 12

დღეისათვის მსვლელობას თეატრალიზებული სახე აქვს და საკმაოდ სანახაობრივია.

8 / 12

თბილისში, ტრადიციულად, „ალილოს“ მონაწილეები იკრიბებიან პირველი რესპუბლიკის მოედანზე და მსვლელობით მოივლიან ქალაქის ცენტრს - რუსთაველის გამზირს პარლამენტის შენობის წინ, თავისუფლების მოედანს და პუშკინისა და ბარათაშვილის ქუჩებს.

9 / 12

მსვლელობას აკვირდება უამრავი ტურისტი და დედაქალაქის სტუმარი, ასევე თბილისის მკვიდრები.

10 / 12

„ალილოს“ მონაწილეები ყველა გამვლელს ულოცავენ შობას და კათოლიკოს-პატრიარქ ილია მეორის სახელით საშობაო ბარათებს ჩუქნიან.

11 / 12

„ალილოს“ მსვლელობისას დაგეგმილ მარშრუტზე ტრანსპორტის მოძრაობა შეზღუდულია.

12 / 12

საშობაო მსვლელობა, ტრადიციულად, სამების საკათედრო ტაძართან სრულდება.