თბილისი, 30 ნოემბერი - Sputnik. საქართველოს სახელმწიფო უსაფრთხოების სამსახურმა უარყო ბოლო დღე-ღამის განმავლობაში მედიაში გავრცელებული ინფორმაცია თითქოსდა ქვეყნის ტერიტორიაზე მოქმედი რუსეთის შეიარაღებული ძალების სპეციალური უსაფრთხო კომუნიკაციის ტერმინალების ქსელების არსებობის შესახებ.
უკრაინის სამხედრო დაზვერვის მთავარმა სამმართველომ (GUR) რუსეთის შეიარაღებული ძალების სპეციალური კომუნიკაციის ტერმინალები აღმოაჩინა. GUR-მა გამოაქვეყნა რუკა, რომელზეც რუსული არმიის ტერმინალების უმეტესობაა ნაჩვენები, ერთი ტერმინალი საქართველოშია აღნიშული, ორი კი აფრიკაში. ეს თემა საქართველოში ოპოზიციურმა მედია-პლატფორმებმა აიტაცეს და საქართველოს ხელისუფლების წინააღმდეგ ახალი ბრალდებები გაისმა.
სუს-ის ცნობით, აღნიშნული ინფორმაცია მედია-პლატფორმებიდან და ცალკეული აქტივისტებისგან მოდიოდა, თუმცა, არცერთ მათგანს ფაქტების გადასამოწმებლად უწყებისთვის არ მიუმართავს და უკრაინის დაზვერვას კი ასეთი მონაცემები თბილისისთვის არ გადაუცია.
„გუშინდელი დღის შემდეგ სხვადასხვა მედია-პლატფორმებიდან (ასევე კონკრეტული აქტივისტების მხრიდან) კამპანიურად ვრცელდება არასწორი ინფორმაცია, თითქოს უკრაინის დაზვერვის მასალებით საქართველოს ტერიტორიაზე არსებობს რუსეთის ფედერაციის შეიარაღებული ძალების სპეციალური უსაფრთხო კომუნიკაციის ტერმინალების ქსელები. მიუხედავად ამისა, ხსენებული მედიაპლატფორმების არცერთ წარმომადგენელს უსაფრთხოების სამსახურისთვის ამ დრომდე არ მოუმართავს”, - ნათქვამია განცხადებაში.
უწყების ცნობით, უკრაინის საგარეო დაზვერვის სამსახურმა თავის განხცადებაში მიუთითა რუსული ქსელების უკრაინასთან, ფრონტის ხაზზე და აფრიკის კონტინენტზე არსებობის შესახებ.
„თუმცა განცხადებასთან ერთად გამოქვეყნებულ ფოტოზე დატანილმა ლოკაციამ დატოვა მათ მიერ გახმოვანებული ინფორმაციის არასწორი ინტერპრეტაციის სივრცე საქართველოს შესახებ”, -ნათქვამია განცხადებაში.
სუს-ი ცდილობს გაარკვიონ, რით იყო გამოწვეული, განცხადებისგან განსხვავებული მასალის გავრცელება, რომელმაც საქართველოში კონკრეტულ ჯგუფებს "ცრუ და ანტისახელმწიფოებრივი კამპანიის წარმოების" საშუალება მისცა.
საქართველოს სახელმწიფო უსაფრთხოების სამსახური აქტიურად ცდილობს დაადგინოს უკრაინის საგარეო დაზვერვის სამსახურის განცხადებებისგან განსხვავებული მასალების გავრცელების მიზეზი, რამაც გარკვეულ ჯგუფებს საშუალება მისცა, საქართველოში ცრუ და ანტისახელმწიფოებრივი კამპანია ჩაეტარებინათ.