თბილისი, 30 ნოემბერი – Sputnik. არაბთა გაერთიანებულ საამიროებში მიმდინარე აბუ-დაბის გრანდ-სლემზე ლაშა ბექაური (90 კგ) ოქროს მედლის მფლობელი გახდა.
ორგზის ოლიმპიურმა ჩემპიონმა ფინალში მოლდოველი მიჰაილ ლატისევი დაამარცხა.
ფინალურ შეხვედრამდე ბექაურმა ნიდერლანდელი მარკუს ვან დეიკი, რუსი ეგორ ანდონი და სერბი ისლამ სოგენოვი დაამარცხა. ნახევარფინალში კი სამხრეთ კორეელ ჯომგჰუნ კიმს სძლია.
მიმდინარე ტურნირზე ეს საქართველოსთვის მეორე მედალია. გიორგი სარდალაშვილმა (-60 კგ) ბრინჯაოს მედალი მოიპოვა.
დღესვე ფინალურ ბლოკში ბრინჯაოს მედლისთვის მძიმეწონოსანი ირაკლი დემეტრაშვილი იჭიდავებს.
ქართველი ძიუდოისტები აბუ-დაბის გრანდ-სლემზე საქართველოს სპორტის სამინისტროს მხარდაჭერით იმყოფებიან.