თბილისი, 29 ნოემბერი — Sputnik. უნგრეთი და რუსეთი მრავალი წელია, სრულად ასრულებენ ურთიერთშეთანხმებებს, იმ შემთხვევაშიც კი, როცა ეს რთული იყო, განაცხადა უნგრეთის პრემიერ-მინისტრმა ვიქტორ ორბანმა, რომელიც მოსკოვში იმყოფებოდა ვიზიტით.
უნგრელი პრემიერის თქმით, მოსკოვისთვის ძალიან მნიშვნელოვანია საკითხი: შეუძლია თუ არა ენდოს პარტნიორებს.
„პუტინთან პირველი მოლაპარაკებები 2009 წელს გავმართე. მას შემდეგ, ღმერთმა იცის, რამდენი ათეული შეთანხმება დავდეთ, და ჩვენ ყველა შევასრულეთ — ისინიც კი, რომლებიც უხერხული და რთული იყო. უნდა ითქვას, რომ რუსული მხარე ყველა ჩვენს შეთანხმებას სრულად იცავდა. მჯერა, რომ ასე გაგრძელებას შევძლებთ“, — აღნიშნა ორბანმა.
ორბანისა და პუტინის შეხვედრა 28 ნოემბერს გაიმართა კრემლში და ის თითქმის ოთხი საათი გაგრძელდა. უნგრეთის პრემიერმა მოლაპარაკებებს ნაყოფიერი უწოდა, ვინაიდან მასზე უნგრეთის ენერგომომარაგების საკითხის გარანტირება მოხდა.