თბილისი, 29 ნოემბერი — Sputnik. 2025 წლის ოქტომბერში საქართველოს ეკონომიკის რეალურმა ზრდამ 2024 წლის ანალოგიურ პერიოდთან შედარებით 6 % შეადგინა, ნათქვამია სტატისტიკის ეროვნული სამსახურის „საქატატის“ მონაცემებში.
2025 წლის იანვარ-ოქტომბერში მშპ-ის საშუალო ზრდის მაჩვენებელმა 7,6% შეადგინა.
„საქსტატის“ მონაცემებით, 2025 წლის სექტემბერში ქვეყნის ეკონომიკის ზრდაში მნიშვნელოვანი წვლილი შეიტანეს ინფორმაციისა და კომუნიკაციების, ტრანსპორტისა და დასაწყობების, საფინანსო და სადაზღვევო საქმიანობამ, ასევე უძრავი ქონების ოპერაციებთან დაკავშირებულმა საქმიანობასთან.
კლება მშენებლობის, სამთომომპოვებელი და ენერგეტიკის სექტორებში დაფიქსირდა.
საქართველოს ეკონომიკური ზრდა 2021 წელს იყო 10,6%, 2022 წელს - 10,4%, 2023 წელს - 7,8%, ხოლო 2024 წელს - 9,7%.
რა გაიზარდა და რამდენით
2025 წლის იანვარ-ოქტომბრის მონაცემებით, 2024 წლის ანალოგიურ პერიოდთან შედარებით ექსპორტი 6,8%-ით, იმპორტი კი 9,3%-ით გაიზარდა.
ოქტომბერში ქვეყანაში დაახლოებით 6,1 ათასი ახალი საწარმო იყო რეგისტრირებული, რაც 11,2%-ით ნაკლებია გასული წლის ანალოგიურ პერიოდთან შედარებით.
„დღგ-ს გადამხდელი საწარმოების ბრუნვის მოცულობა 7%-ით გაიზარდა და 15,6 მილიარდი ლარი შეადგინა“, - „საქსტატის" აღმასრულებელი დირექტორის მოადგილე ირაკლი აფხაიძემ ბრიფინგზე.
აფხაიძის თქმით, ინფორმაციული და საკომუნიკაციო სექტორის ზრდა დაკავშირებულია კომპიუტერული პროგრამების განვითარებასთან და ინფორმაციული ტექნოლოგიების სფეროში მომსახურების მოცულობის გაფართოებასთან.
მისივე თქმით, საფინანსო და სადაზღვევო სექტორის ზრდა განპირობებული იყო კომერციული ბანკების საპროცენტო შემოსავლების ზრდით.
ტრანსპორტისა და სასაწყობო სექტორის ზრდა ძირითადად საჰაერო ტრანსპორტის მუშაობას უკავშირდება, სატვირთო და სამგზავრო გადაზიდვებში მომსახურების მოცულობის ზრდას, ასევე გაიზარდა მომსახურების მოცულობა დასაწყობება-შენახვის კუთხით, ასევე სხვა დამხმარე სატრანსპორტო მომსახურება.
უძრავი ქონების სექტორში ზრდა უკავშირდება საკუთარი და იჯარით აღებული უძრავი ქონების ქირასა და მართვას.