თბილისი, 29 ნოემბერი - Sputnik. კოალიცია "ლელო - ძლიერი საქართველოს" ერთ-ერთი ლიდერი ალეკო ელისაშვილი დააკავეს, იუწყება ტელეკომპანია "ტვ პირველი".
გავრცელებული ინფორმაციით, ელისაშვილი ნაცემია. მისი დაკავების შესახებ ინფორმაცია ადვოკატმა დაადასტურა.
"დღეს დილით დააკავეს. ჯერ იზოლატორში არ არის გადაყვანილი. სავარაუდოდ, ახალი სისხლის სამართლის საქმეზე დააკავეს, ზუსტად არ ვიცით. ჯერ არ მინახავს. ცემასთან დაკავშირებით ინფორმაციას ვერ დაგიდასტურებთ, არ ვიცი", - განაცხადა ადვოკატმა გიორგი რეხვიაშვილმა.
მომხდართან დაკავშირებით დამატებითი დეტალები ამ დროისთვის უცნობია.