თბილისი, 28 ნოემბერი — Sputnik. სვანეთისკენ მიმავალ გზაზე 29 და 30 ნოემბერს საავტომობილო მოძრაობა დროებით შეიზღუდება, ნათქვამია საავტომობილო გზების დეპარტამენტის მიერ გავრცელებულ განცხადებაში.
დეპარტამენტის ცნობით, შეზღუდვის დაწესების მიზეზი შიდასახელმწიფოებრივი მნიშვნელობის ზუგდიდი-ჯვარი-მესტია-ლასდილის საავტომობილო გზის 68-ე კმ-ზე მდინარე ენგურზე არსებული სახიდე გადასასვლელის სარეაბილიტაციო სამუშაოებია.
2025 წლის 29 და 30 ნოემბერს 08:00 საათიდან 20:00 საათამდე აღნიშნულ ხიდზე დროებით შეიზღუდება ავტოტრანსპორტის მოძრაობა.
შეზღუდვის პერიოდში მაღალი გამავლობის (ორი წინ წამყვანი ხიდის მქონე) ავტოტრანსპორტის მოძრაობა განხორციელდება დროებით შემოვლით გზაზე, ხოლო დანარჩენი სახის ავტოტრანსპორტის მოძრაობა აკრძალულია.