თბილისი, 19 ნოემბერი — Sputnik. თბილისის საქალაქო სასამართლომ ექს-გენპროკურორი ზურაბ ადეიშვილი 2004 წელს 19 წლის ამირან (ბუტა) რობაქიძის მკვლელობაში გაამართლა, ყოფილ შინაგან საქმეთა მინისტრ ირაკლი ოქრუაშვილს კი შვიდი წლით თავისუფლების აღკვეთა მიუსაჯა.
ოქრუაშვილს და ადეიშვილს ბრალი ედებათ რობაქიძისა და ინციდენტის დროს მანქანაში მყოფი სხვა პირების მიმართ სამსახურებრივი უფლებამოსილების ბოროტად გამოყენებაში.
2004 წლის გამოძიების თანახმად, სამართალდამცველებმა „ბანდიტების შეიარაღებული ჯგუფი“ დააკავეს, რომელთაგან ერთ-ერთი, რობაქიძე, წინააღმდეგობის გაწევის მცდელობისას მოკლეს, დანარჩენები კი ცეცხლსასროლი იარაღის უკანონო ტარებისთვის დააკავეს.
ხელისუფლებაში „ქართული ოცნების" მოსვლის შემდეგ (2012 წელს) საქართველოს პროკურატურამ საქმის ხელახალი გამოძიება დაიწყო. 2018 წლის ბოლოს სამსახურებრივი უფლებამოსილების ბოროტად გამოყენების ბრალდებით შსს-ს ხუთ ყოფილ მაღალჩინოსანს თავისუფლება სხვადასხვა ვადით აღეკვეთათ.
ოქრუაშვილი ამჟამად სასჯელს იხდის პარლამენტის საგამოძიებო კომისიის სხდომაზე გამოუცხადებლობისთვის. ადეიშვილმა ქვეყნიდან 2013 წელს გაიქცა.