თბილისი, 17 ნოემბერი — Sputnik. ეროვნული ცენტრი „რუსეთი“ ღია დიალოგის ფორმატში მასშტაბურ საერთაშორისო პროექტს „მსოფლიოს მომავალი: გლობალური ზრდის ახალი პლატფორმა“ ახორციელებს, ნათქვამია ცენტრის განცხადებაში.
ღია დიალოგი „მსოფლიოს მომავალი: გლობალური ზრდის ახალი პლატფორმა“ მასშტაბური საერთაშორისო პროექტია, რომელსაც ეროვნული ცენტრი „რუსეთი“ და ინტერდისციპლინარული ექსპერტიზის ცენტრი „მესამე რომი“ ახორციელებენ.
„ეს სივრცე ემსახურება გლობალური ეკონომიკური განვითარების საკითხების ყოვლისმომცველი და კონსტრუქციული განხილვის პლატფორმას, რომელიც აერთიანებს განვითარების ინსტიტუტების, ანალიტიკური ცენტრების, უმაღლესი საგანმანათლებლო დაწესებულებების, სამთავრობო უწყებების, ბიზნეს-ასოციაციების, მეცნიერებისა და ჟურნალისტიკის წარმომადგენლებს“, - ნათქვამია განცხადებაში.
ღია დიალოგის ძირითადი მისიაა ერთობლივად ჩამოაყალიბონ გლობალური განვითარების დღის წესრიგი, რომელიც გაითვალისწინებს მსოფლიო უმრავლესობის ინტერესებს და იქნება მსოფლიო მასშტაბის მოედანი მოსაზრებების ღია გაცვლისთვის, იდეებისა და მიდგომების განვითარებისთვის ძირითად გლობალურ საკითხებზე.
ნებისმიერ პირს, ვისაც სურს საკუთარი იდეების ღია ფორმატში განხილვისთვის შეთავაზება, შეუძლია განხილვებში მონაწილეობა მიიღოს თემატური მიმართულებებით:
ინვესტიცია ადამიანში,
ინვესტიცია გარემოში,
ინვესტიცია ტექნოლოგიებში,
ინვესტიცია კავშირგაბმულობაში.
ღია დიალოგში მონაწილეობისთვის ესეების წარდგენის ვადა 2025 წლის 26 დეკემბრამდეა. ესეს წარსადგენად საჭიროა რეგისტრაციის გავლა პროექტის ოფიციალურ ვებგვერდზე.