ამ ხნის განმავლობაში აეროპორტი 8,8 მილიონზე მეტ მგზავრს მოემსახურა და 30 ათასზე მეტი რეისი შეასრულა.
ზედიზედ რამდენიმე წლის განმავლობაში ქუთაისი ევროპაში ერთ-ერთი ყველაზე სწრაფად მზარდი აეროპორტია - გახსნის შემდეგ ტერმინალი ექვსჯერ გაფართოვდა, ასაფრენი ბილიკიც გარემონტდა. ამჟამად ახალი, 3,5 კილომეტრიანი ასაფრენი ბილიკის მშენებლობა მიმდინარეობს.
აეროპორტი ყოფილი კოპიტნარის აეროდრომის ადგილას ერთ წელზე ნაკლებ დროში აშენდა.
დღეს ქუთაისი დასავლეთ საქართველოს მთავარ საჰაერო კარიბჭედ ითვლება: აქედან ათობით რეისი გადის ევროპის, რუსეთისა და ყაზახეთის მიმართულებით, ქუთაისშია განთავსებული უნგრული დაბალბიუჯეტიანი ავიაკომპანია Wizz Air-ის ბაზა.