თბილისი, 18 სექტემბერი — Sputnik. საქართველოს კომერციულ ბანკებში ელექტრონული სისტემებით განხორციელებული ფულადი გზავნილების მოცულობა 2025 წლის იანვარ-სექტემბერში, წინა წლის ანალოგიურ მაჩვენებელთან შედარებით, 6,4%-ით გაიზარდა და 2.691,4 მლნ აშშ დოლარი შეადგინა, იუწყება საქართველოს ეროვნული ბანკი.
საანგარიშო პერიოდში ფულადი გზავნილების მოცულობით აშშ ლიდერობს.
ფულადი გადმორიცხვების სტატისტიკა: 2025 წლის იანვარი–სექტემბერი
ქვეყანა | მოცულობა, მლნ დოლარი | ზრდა,% |
აშშ | 501,5 | 20,9 |
იტალია | 458,9 | 8,6 |
რუსეთი | 344,4 | -23,9 |
გერმანია | 231,6 | 18,5 |
საბერძნეთი | 215,5 | 10,8 |
2025 წლის იანვარ-სექტემბერში რუსეთიდან საქართველოში გადმორიცხული თანხის მოცულობამ დაახლოებით 344,4 მილიონი დოლარი შეადგინა. ეს ქართულ კომერციულ ბანკებში ელექტრონული სისტემებით ფულადი გადარიცხვების 12,8%-ია, რაც 23,9%-ით ნაკლებია 2024 წლის ანალოგიურ პერიოდთან შედარებით.
სექტემბერში ფულადი გზავნილები რუსეთიდან გაიზარდა.
ქართულ კომერციულ ბანკებში ელექტრონული სისტემებით ფულადი გადმორიცხვები 2025 წლის სექტემბერში 12,1%-ით გაიზარდა გასული წლის ანალოგიურ პერიოდთან შედარებით და 317,8 მლნ დოლარი შეადგინა.
ფულადი გადმორიცხვების სტატისტიკა საქართველოში – 2025 წლის აგვისტო
ქვეყანა | მოცულობა, მლნ დოლარი | ზრდა,% |
აშშ | 59,7 | 21,7 |
იტალია | 54,1 | 9 |
რუსეთი | 39,5 | 10,2 |
გერმანია | 29,8 | 16,8 |
საბერძნეთი | 26 | 5,2 |
2025 წლის სექტემბერში რუსეთიდან 39,5 მლნ დოლარი გადმოირიცხა – გზავნილების მთლიანი მოცულობის 12,4%, რაც გასული წლის ანალოგიურ პერიოდთან შედარებით 10,2%-ით ნაკლებია.
რამდენი გაიგზავნა საქართველოდან უცხოეთში
სექტემბერში საქართველოდან საზღვარგარეთ 38,2 მლნ დოლარი გადაიგზავნა, რაც 2024 წლის ანალოგიურ პერიოდთან შედარებით 12,7%-ით მეტია.
2025 წლის ცხრა თვეში საქართველოდან უცხოეთში 301,7 მლნ დოლარი გადაიგზავნა, რაც 2024 წლის ანალოგიურ პერიოდთან შედარებით 10%-ით მეტია.