თბილისი, 28 სექტემბერი — Sputnik. მასშტაბური მარათონი TbilisiMarathon, რომელიც კვირას, 28 სექტემბერს გაიმართება, მარათონის მოყვარულებს საქართველოს დედაქალაქში უკვე მეცამეტედ შეკრებს, იუწყებიან ღონისძიების ორგანიზატორები.
მარათონის მონაწილეები სტარტს, ტრადიციულად, ქალაქის ცენტრში, პირველი რესპუბლიკის მოედანზე აიღებენ, წრეს შემოურბენენ და ფინიშთან იმ ადგილზევე მივლენ. მარათონში 3500 ადამიანი მიიღებს მონაწილეობას. სპორტული ღონისძიება ამჯერადაც საქველმოქმედო ხასიათის იქნება.
ორგანიზატორებმა მონაწილეებისთვის სამი დისტანცია შეარჩიეს: 10-კილომეტრიანი გარბენი, 21,1-კილომეტრიანი ნახევარმარათონი და საბავშვო გარბენი ორი ასაკობრივი კატეგორიისთვის: 5-10 წლის და 11-15 წლის მოზარდებისთვის.
მარათონში მონაწილეობა ფასიანია, ბავშვებისთვის კი უფასო - მარათონის გამარჯვებულებს პრიზები ელოდებათ.