თბილისი, 29 აგვისტო - Sputnik. თბილისში 34 წლის მამაკაცის ცხედარი იპოვეს, იუწყება ტელეკომპანია "პირველი".
მედიაში გავრცელებული ინფორმაციით, გარდაცვლილი მოქმედი ჯარისკაცი იყო.
გავრცელებული ინფორმაციით, თავდაცვის ძალების 41-ე ბატალიონის სამხედროს ცხედარი ვაზიანში მისი საცხოვრებელი სახლიდან დაახლოებით 10 მეტრის რადიუსში, სკვერში დაახლოებით ორი დღის წინ იპოვეს.
მომხდარზე გამოძიება საქართველოს სისხლის სამართლის კოდექსის 115-ე მუხლითაა დაწყებული, რაც თვითმკვლელობამდე მიყვანას გულისხმობს.