თბილისი, 29 აგვისტო — Sputnik. 2025 წლის მეორე კვარტალში საქართველოს რეზიდენტი ვიზიტორების მიერ ქვეყნის ტერიტორიაზე განხორციელებული ტურისტული ტიპის ვიზიტების საშუალო თვიური რაოდენობა 692,5 ათასით განისაზღვრა, რაც 4,2%-ით ნაკლებია წინა წლის ანალოგიური პერიოდის მაჩვენებელზე, ნათქვამია საქართველოს სტატისტიკის ეროვნული სამსახურის "საქსტატის" ინფორმაციაში.
ამასთან, მონაცემების მიხედვით, ჯამურად, მეორე კვარტალში ადგილობრივი ვიზიტორების საშუალო თვიური რაოდენობა 1,367.3 ათასით განისაზღვრა, მათ მიერ საქართველოს ტერიტორიაზე განხორციელებული ვიზიტების საშუალო თვიური რაოდენობა 1,1% შემცირდა წინა წლის შესაბამის პერიოდთან შედარებით და 1,681.1 ათასი შეადგინა.
საქართველოში ადგილობრივი მოგზაური მოსახლეობის ძირითადი ასაკია 31–50 წელი, მათ საერთო რაოდენობის 36,6% შეადგინეს. ქალების რაოდენობა კი ვიზიტორების ჯამური რაოდენობის 57,5%-ს შეადგენდა.
ვიზიტორების 36% თბილისის მცხოვრებია, 15,9% მოდის იმერეთის, რაჭა-ლეჩხუმისა და ქვემო სვანეთის რეგიონზე, 9,5% - აჭარის რეგიონზე.
მოგზაურობის მთავარი მიმართულება იყო იმერეთი (385,8 ათასი ვიზიტი თვეში), მეორე ადგილზეა თბილისი (363,2 ათასი ვიზიტი თვეში).
2025 წლის მეორე კვარტალში ყველაზე ხშირად იმოგზაურეს მეგობრებისა და ნათესავების მოსანახულებლად (51,8%) . ხშირი იყო მოგზაურობები საყიდლებზე და სამკურნალოდ.