თბილისი, 28 აგვისტო — Sputnik. სისხლის სამართლის საერთაშორისო სასამართლოს (ICC) მთავარი პროკურორი კარიმ ხანი კიდევ ერთმა ქალმა დაადანაშაულა შევიწროებაში, იუწყება ბრიტანული გაზეთი Guardian.
მანამდე, მაისში, ICC-ის პრესსამსახურმა გამოაცხადა, რომ პროკურორი კარიმ ხანი ადმინისტრაციულ შვებულებაში იმყოფება მის წინააღმდეგ გამოძიების დასრულებამდე, რომელიც მისი მხრიდან თანამშრომლების სავარაუდო სექსუალური შევიწროების გამო დაიწყო.
„ICC-ის მთავარი პროკურორი კარიმ ხანი სექსუალურ ძალადობაში მეორე ქალმა დაადანაშაულა... ქალი ამტკიცებს, რომ როდესაც ცნობილ ბრიტანელ ადვოკატთან მუშაობდა მისი კარიერის ადრეულ პერიოდში, ის შეუფერებლად იქცეოდა, ახორციელებდა მის მიმართ არასასურველ სექსუალურ ძალადობას, იყენებდა მასზე ძალაუფლებას და არაერთხელ ცდილობდა, დაეყოლიებინა ის სექსულური ხასიათის ქმედებებში“, — წერს გამოცემა.
მანამდე ICC-ის რომის სტატუტის მონაწილე სახელმწიფოთა ასამბლეამ განაცხადა, რომ აქვს ინფორმაცია პროკურორის კარიმ ხანის სავარაუდო გადაცდომის შესახებ მისი ოფისის წევრის მიმართ, მაგრამ არ დააკონკრეტა, რა კონკრეტულ ქმედებებში იყო ეჭვმიტანილი ხანი.