თბილისი, 15 აგვისტო - Sputnik. რუსეთისა და აშშ-ის პრეზიდენტებმა, ვლადიმირ პუტინმა და დონალდ ტრამპმა, ალიასკაში მოლაპარაკებები დაიწყეს, იტყობინება „რია ნოვოსტის“ კორესპონდენტი.
შეხვედრა ვიწრო ფორმატში დაიწყო. ის ანკორიჯში, ელმენდორფ-რიჩარდსონის სამხედრო ბაზაზე იმართება.
მოლაპარაკებები „სამი სამზე“ ფორმატში მიმდინარეობს. რუსული მხრიდან შეხვედრაში მონაწილეობენ რუსეთის საგარეო საქმეთა მინისტრი სერგეი ლავროვი და პრეზიდენტის თანაშემწე იური უშაკოვი. აშშ-დან ესწრებიან აშშ-ის სახელმწიფო მდივანი მარკო რუბიო და აშშ-ის პრეზიდენტის სპეციალური წარმომადგენელი სტივენ უიტკოფი.
მოსალოდნელია, რომ ლიდერებს მოგვიანებით დელეგაციების წარმომადგენლებიც შეუერთდებიან. გაფართოებული მოლაპარაკებები, სავარაუდოდ, სამუშაო საუზმის ფორმატში გაგრძელდება, რის შემდეგაც პუტინი და ტრამპი სამიტის შედეგების შესაჯამებლად მედიის წარმომადგენლებთან გამოვლენ.