თბილისი, 3 აგვისტო – Sputnik. ზუსტად ორი წელი გავიდა საქართველოში ერთ-ერთი ყველაზე საშინელი ტრაგედიიდან - 2023 წლის 3 აგვისტოს კურორტ შოვში მომაკვდინებელი მეწყერი ჩამოწვა, რომელსაც 30-ზე მეტი ადამიანის სიცოცხლე ემსხვერპლა.
3 აგვისტოს, შუადღისას შოვში ჩამოწვა მეწყერი, რომელმაც კურორტი პრაქტიკულად გაანადგურა. მაშველებმა სტიქიის ზონიდან 210 ადამიანის ევაკუაცია მოახდინეს. კომპანია Geotesti-ს შვეიცარიელმა ექსპერტებმა მეწყერის მთავარ მიზეზად კლიმატური ცვლილება დაასახელეს.
დაკარგულების ძებნა შოვში
© Ministry of Internal Affairs of Georgia
კურორტ შოვის დამანგრეველი მეწყერის მიზეზი რამდენიმე გეოლოგიური და ჰიდრომეტეოროლოგიური მოვლენის დამთხვევა გახდა, ეწერა გარემოს ეროვნული სააგენტოს პირველად დასკვნაში.
მეწყერს წინ უძღოდა წვიმა, კლიმატის ცვლილებით გამოწვეული მყინვარების ინტენსიური დნობა, ქვათაცვენა, მეწყერ-ეროზიული პროცესები და ღვარცოფის გავლა ბუბისწყლის ხეობაში.
დაკარგულების ძებნა შოვში
© Ministry of Internal Affairs of Georgia
სააგენტოს ცნობით, ბუბას მყინვარის დასავლეთით მოხდა კლდის მასივის ჩამონგრევა, რომელიც ამოძრავდა და შეეჯახა მყინვარს, რამაც გამოიწვია ამ მყინვარის გარკვეული ნაწილის ნგრევა. ამ ყველაფერმა კი მყინვარქვეშა წყლების გადმოღვრა გამოიწვია, რის შემდეგაც მიღებულმა ნაკადმა ხეობის კალაპოტში დიდი სიჩქარით მოძრაობა დაიწყო.
დაკარგულების ძებნა შოვში
© Ministry of Defence of Georgia
ამასთან, უშუალოდ ბუბისწყლის ხეობაში წყლის მასის ხანგრძლივი შეკავება არ ყოფილა, ამტკიცებს ზოგიერთი ექსპერტი.
მსოფლიოში მსგავსი ბუნებრივი მოვლენების ზუსტი დროის პროგნოზირება პრაქტიკულად შეუძლებელია, ნათქვამი იყო დასკვნაში.
დაკარგულების ძებნა შოვში
© Ministry of Internal Affairs of Georgia
წინასწარი გათვლებით, ღვარცოფულ ნაკადს შოვში კოტეჯების ტერიტორიას, სადაც ადამიანები იმყოფებოდნენ, 8-10 წუთში უნდა მიეღწია.
შოვის კურორტი ონის მუნიციპალიტეტში ზღვის დონიდან 1,5 ათასი მეტრის სიმაღლეზე მდებარეობს.