თბილისი, 7 ივლისი — Sputnik. საქართველოს კუდოს ნაკრებმა მსოფლიო თასზე 18 მედალი მოიპოვა და გუნდური მეორე ადგილი დაიკავა, იუწყება პირველი არხი.
ბულგარეთში გამართულ ტურნირზე საქართველოს ნაკრებმა წარმატებით იასპარეზა – 8 ოქროს, 5 ვერცხლის, 5 ბრინჯაოს მედალი მოიპოვა და გუნდური მეორე ადგილი დაიკავა.
ტურნირში საქართველოდან 24 სპორტსმენი მონაწილეობდა, მათგან მედლის მოპოვება 18-მა შეძლო.
ტურნირზე ორი ქართული ფინალი გაიმართა. 19-წლამდელთა შორის სენსაციური გამარჯვება მოიპოვა თამილა ნაზღაიძემ, რომლისთვისაც ბურგასის მსოფლიო თასი პირველი საერთაშორისო ტურნირი იყო.
საქართველო ნაკრების დელეგაციას კუდოს ფედერაციის ვიცე-პრეზიდენტი ალექსი ფილფანი ხელმძღვანელობდა, ნაკრების მთავრი მწვრთნელი კი დავით ყოლბაიაა.