.კიკვიძის პარკში დილიდანვე შეიკრიბა ხალხი, რათა გაეხსენებინათ და მადლობა გადაეხადათ გმირებისთვის.
უკვე რამდენი წელია პარკი გამარჯვების დღისადმი მიძღვნილი ღონისძიებების გამართვის ტრადიციული ადგილი გახდა.
მელიტონ ქანთარიას ძეგლთან ვეტერანები, მათი ოჯახის წევრები, რიგითი თბილისელები და საზოგადოებრივი ორგანიზაციების წარმომადგენლები შეიკრიბნენ.
ძეგლთან მიჰქონდათ ყვავილები - ხსოვნისა და მადლიერების ნიშნად.
ვეტერანები არცთუ ბევრნი დარჩნენ, თუმცა, ისინი მაინც მივიდნენ.
მათ გვერდით ისხდნენ ბავშვები - როგორც ორი ეპოქის განსახიერება, რომელთაც საერთო წარსული აკავშირებთ.
ღონისძიებას ესწრებოდნენ საქართველოს პირველი პირები. პრემიერმა ირაკლი კობახიძემ ომის ვეტერანებს მადლობა გადაუხადა და ჯანმრთელობა უსურვა.
ვეტერანებს არ უყვართ ომზე საუბარი, თუმცა ყოველი მათი გამოხედვა - ეს მთელი ისტორიაა.
მათ სახეებზე იმდენად სიხარული არა, რამდენადაც ნათელი სევდა და სიამაყეა აღბეჭდილი: გამარჯვების დღე, უპირველეს ყოვლისა, ხსოვნის დღეა.
ხალხში უცხოები არ იყვნენ - ყველა გრძნობდა, რომ რომ ერთი და იგივე მიზნით იყვნენ მისული.
გმირებს პატივი მიაგეს საქართველოში შვეიცარიის საელჩოში რუსეთის ინტერესების სექციის წარმომადგენლებმაც.
მათ კუკიის სასაფლაოზე ყვავილებით შეამკეს დიდ სამამულო ომში დაღუპულთა მემორიალი.
იყვნენ ისეთებიც, ვინც, ტრადიციულად, ვაკის პარკში, უცნობი ჯარისკაცის საფლავთან მივიდა.
აქ ღონისძიების ოფიციალური ნაწილი არ ყოფილა, მაგრამ იყო მთავარი - დუმილი და მადლიერება.
უცნობი ჯარიკაცის საფლავს ყვავილებით მთელი დღის განმავლობაში ამკობდნენ.
მეორე მსოფლიო ომში საქართველოდან 700 ათასი ადამიანი წავიდა, შინ 300 ათასამდე დაბრუნდა - მათი ხსოვნა თითოეულ ოჯახში ცოცხლობს.
167-ს საბჭოთა კავშირის გმირის წოდება მიენიჭა - მათი სახელები სამუდამოდ ჩაიწერა ისტორიაში.
თბილისელები გმირების ხსოვნის კვლავ მიაგებენ პატივს, მიუხედავად იმისა, რომ დღესასწაულის ადგილმდებარეობა შეიცვალა.