თბილისი, 7 მაისი — Sputnik. საქართველოს რეგიონული განვითარების სამინისტროს საავტომობილო გზების დეპარტამენტის უფროსმა გიორგი წერეთელმა თანამდებობა დატოვა, ინფორმაციას დეპარტამენტის პრეს-სამსახურში ადასტურებენ.
უწყების ინფორმაციით, წერეთელმა თანამდებობა საკუთარი სურვილით დატოვა და განცხადება ჯერ კიდევ გასულ კვირას დაწერა. დეპარტამენტის უფროსის მოვალეობას დროებით წერეთლის მოადგილე ლევან კუპატაშვილი შეასრულებს.
საქართველოს პრემიერ-მინისტრმა ირაკლი კობახიძემ 2 აპრილს რეგიონული განვითარებისა და ინფრასტრუქტურის სამინისტროს ორ უწყებად გაყოფა დააანონსა.
მაშინ კობახიძემ რეგიონული განვითარების მინისტრის პოსტზე კანდიდატად სახელმწიფო უსაფრთხოების სამსახურის ყოფილი უფროსი გრიგოლ ლილუაშვილი დაასახელა. თუმცა, მოგვიანებით ლილუაშვილმა შეთავაზებაზე უარი განაცხადა და აღნიშნული პოსტი მისი ადგილი კახაბერ გულედანმა დაიკავა.
რაც შეეხება ინფრასტრუქტურის სამინისტროს, მას თბილისის საკრებულოს დეპუტატი რევაზ სოხაძე ხელმძღვანელობს. ბოლო რამდენიმე წლის განმავლობაში იგი აქტიურად იყო ჩართული ვარკეთილის ტერიტორიის კეთილმოწყობაში.
სოხაძემ ამ პოსტზე ირაკლი ქარსელაძე შეცვალა, რომელიც რეგიონული განვითარებისა და ინფრასტრუქტურის სამინისტროს გაყოფამდე ხელმძღვანელობდა.