მიანმარის ხელისუფლების განცხადებით, მიწისძვრას ემსხვერპლა 1644 ადამიანი, ასევე ვრცელდება ინფორმაცია 3400 პირის დაშავების შესახებ.
7,7 და 6,4 მაგნიტუდის მიწისძვრა მიანმარში პარასკევს, 28 მარტს მოხდა.
USGS-ის მონაცემებით, პირველი ძლიერი მიწისძვრა მიანმარის ცენტრალურ ნაწილში ადგილობრივი დროით 12:50 საათზე მოხდა. კერა ათი კილომეტრის სიღრმეზე მდებარეობდა.
მომხდარიდან 12 წუთში მეორე - 6,4 მაგნიტუდის მიწისძვრა მოხდა.
ადგილობრივი ხელისუფლების ცნობით, მიწისძვრისგან მიყენებული ზარალი ძალზე დიდია.
მიწისძვრის შედეგად ბევრი სახლი მთლიანად დაინგრა.
მიწისძვრის ეპიცენტრი ქალაქ საგაინგიდან ჩრდილო-დასავლეთით 16 კილომეტრში დაფიქსირდა.
საგაინგი მდებარეობს ქალაქ მანდალაის მახლობლად, რომელიც სიდიდით მეორეა ქვეყანაში 1,2 მილიონი მოსახლეობით.
აღნიშნული რაიონი მდებარეობს მიანმარის დედაქალაქ ნაიფიიდოს ჩრდილოეთით დაახლოებით 100 კილომეტრში.
მიწისქვეშა ბიძგები იგრძნობოდა ტაილანდსა და ჩინეთში.
დაინგრა არა მხოლოდ შენობები, არამედ საავტომობილო გზები, მათ შორის მთავარი მაგისტრალები.
„მსხვერპლთა რიცხვი იზრდება. არ გვყავს საკმარისი ექიმები და ექთნები“, - აცხადებენ ადგილობრივი ექიმები.
თვითმხილველების თქმით, ბიძგები ხანგრძლივი იყო და რამდენიმე წუთის განმავლობაში იგრძნობოდა.
მიწისძვრის შედეგად გაუარესდა ამინდი.
სტიქიური უბედურების ადგილზე უწყვეტ რეჟიმში მიმდინარეობს სამაშველო სამუშაოები.
ადამიანებს ნანგრევების ქვეშ ეძებენ.
მიანმარს დახმარება აღუთქვეს აშშ-მ, ევროკავშირმა და ASEAN-მა, ასევე ინდოეთმა, ჩინეთმა და რუსეთმა, რომლებმაც სტიქიის ზონაში უკვე გააგზავნეს მაშველებისა და მედიკოსების ჯგუფები.