თბილისი, 24 მარტი - Sputnik. თბილისში პარაძიუდოში მსოფლიო თასის გათამაშება ჩატარდება, იუწყება „პირველი არხი".
ტურნირი, რომელიც საქართველოს პარალიმპიური კომიტეტის ორგანიზებით და სპორტის სამინისტროსა და თბილისის მერიის მხარდაჭერით ტარდება, 24-25 მარტს გაიმართება.
ტურნირში, რომელსაც „თბილისი არენა" უმასპინძლებს, 25 ქვეყნის 250-მდე წარმომადგენელი მიიღებს მონაწილეობას.
მსოფლიო თასის წინასწარი შეხვედრები 24-25 მარტს 11:00 საათზე დაიწყება, ფინალური ბლოკი კი 17:00 საათზე გაიმართება.
საქართველოს პარა ძიუდოს ეროვნული ნაკრების შემადგენლობა:
-70 კგ. ზურაბ ზურაბიანი (J2)
-70კგ გიორგი ქალდანი (J2)
-70 კგ ქეთევან გილიგაშვილი (J2)
-81 კგ ბაჩუკი შელია (J2)
-95 კგ ლაშა ყიზილაშვილი (J2)
-95 კგ ზვიად გოგოჭური (J2)
+95 კგ რევაზ ჩიკოიძე (J2)
-70 კგ გოგიტა ტერუნაშვილი (J1)
-81 კგ საბა ბაღდავაძე (J1)
-81 კგ მიშიკო შიობრიშვილი (J1)
-95 კგ რამინი ყიფშიძე (J1)
-95 კგ გიორგი ბერიძე (J1).
აღსანიშნავია, რომ თბილისი საერთაშორისო ტურნირს პარაძიუდოში, რომელშიც მონაწილეობას უსინათლო და მცირემხედველი პარაათლეტები იღებენ, წელს მეორედ მასპინძლობს და იგი პარიზის პარალიმპიური თამაშების შემდეგ პარალიმპიადის პირველი საკვალიფიკაციო ტურნირია.