მობილური ოპერატორები საქართველოში: ბოლო მონაცემები

თბილისი, 18 მარტი — Sputnik. საქართველოში მობილური ოპერატორების აბონენტების რაოდენობამ 2024 წელს 5,6 მილიონს მიაღწია, რაც 2%-ით მეტია 2023 წელთან შედარებით, ნათქვამია საქართველოს კომუნიკაციების ეროვნული კომისიის მასალებში.

ქვეყანაში ტელეფონის ნომრის ასაღებად საკმარისია მხოლოდ პირადობის მოწმობის ან პასპორტის წარდგენა. ნომრები ხელმისაწვდომია როგორც საქართველოს მოქალაქეებისთვის, ისე უცხოელებისთვის.

ამასთან, საქართველოში სერვისების უმრავლესობა მიბმულია არა ტელეფონის ნომერზე, არამედ პირადობის დამადასტურებელ დოკუმენტზე. ერთადერთი გამონაკლისია ბანკები, სადაც საჭიროა როგორც ტელეფონის ნომერი, ისე პირადობის მოწმობა.

2024 წლის მონაცემების თანახმად, ბაზრის მთლიანი წილის 41% უკავია Magticom-ის, რომელსაც 2,3 მილიონი აბონენტი ჰყავს.

ქვეყანაში პოპულარობით მეორე ადგილზეა Silknet-ი — 2 მილიონი აბონენტით, მესამეზე კი Selfie mobile – 1,3 მილიონი აბონენტით.

წლის მანძილზე Magti-ის აბონენტების რაოდენობა გაიზარდა 2,8%-ით, Silknet-ის 6,2%-ით, Selfie mobile-ის აბონენტების რაოდენობა კი შემცირდა 0,2%-ით.

რაც შეეხება მობილური ოპერატორების შემოსავლებს, მათმა მოცულობამ 2024 წელს 865,2 მლნ შეადგინა. შემოსავლები ყველაზე მეტად გაეზარდა Silknet-ს, ყველაზე ნაკლებად - Selfie mobile-ს.

ერთი აბონენტი თვეში საშუალოდ 13-დან 15 ლარამდე ხარჯავს. ამასთან, ერთი ადამიანი მობილურ ტელეფონზე ერთ საუბარში საშუალოდ 2,5 წუთს ხარჯავს, დანარჩენი თანხა ინტერნეტზე იხარჯება.