თბილისი, 12 მარტი — Sputnik. გაზსადენზე მომხდარი ავარიის გამო ნაძალადევის რაიონში გაზმომარაგება დროებით 5 ათას აბონენტს ავარიულად შეუწყდა, იუწყება გაზგამანაწილებელი კომპანია „თბილისი ენერჯი" (Tbilisi Energy).
კომპანიის ცნობით, გაზმომარაგების აღდგენა 12 მარტის 15:00 სთ-დან დაიწყება და 20:00 საათისთვის დასრულდება.
„გთხოვთ იყოთ ყურადღებით და არ დატოვოთ გაზის ონკანები ღია მდგომარეობაში“, - ნათქვამია კომპანიის მიერ გავრცელებულ ინფორმაციაში.
გაზის მიწოდება შეუწყდა როგორც ნაძალადევის რაიონის მოსახლეობის ნაწილს, ისე აღნიშნულ ტერიტორიაზე არსებულ დაწესებულებებს, კომერციულ და სავაჭრო ობიექტებს.
„თბილისი ენერჯი“ აბონენტებს შექმნილი დისკომფორტის გამო ბოდიშს უხდის.