თბილისი, 13 ივნისი — Sputnik. თბილისში, მელიქიშვილის გამზირზე მდებარე „ღვინის ქარხანაში" ხანძარია, იუწყება ქართული მედია.
გავრცელებული ინფორმაციით, ხანძარი „ღვინის ქარხნის" ტერიტორიაზე არსებულ „ტავერნა მინთის” სახურავზე გაჩნდა - ცეცხლი გავრცელებულია რესტორნის სახურავის მთელ პერიმეტრზე.
საბედნიეროდ, ხანძრის შედეგად არავინ დაშავეულა.
შემთხვევის ადგილზე სახანძრო-სამაშველო ბრიგადებია მობილიზებული, მიმდინარეობს ცეცხლის ქრობის სამუშაოები.
თუ რა გახდა ხანძრის გაჩენის მიზეზი, ჯერჯერობით, უცნობია.