თბილისი, 11 მარტი — Sputnik. თბილისში მეტეხის ხიდიდან მდინარე მტკვარში მსუბუქი ავტომობილი გადავარდა, ინფორმაციას „პუბლიკა" ავრცელებს.
შემთხვევა თბილისში დაახლოებით ნახევარი საათის წინ მოხდა.
ადგილზე საგანგებო სიტუაციების მართვის სამსახურის ჯგუფები არიან მობილიზებული - ავტომობილში მხოლოდ ერთი პირი, მძღოლი იმყოფებოდა, რომელიც მაშველებმა უვნებლად ამოიყვანეს.
მანქანის გადავარდნის მიზეზი უცნობია.
ერთი კვირის მანძილზე აღნიშნულ ადგილზე მანქანის გადავარდნის მეორე შემთხვევაა.
4 მარტს Ford Fusion-ის მარკის ავტომობილმა ხიდის ჯებირი გაანგრია და მდინარეში გადავარდა. მდინარის ფსკერზე სამძებრო-სამაშველო ოპერაცია დაახლოებით 4 საათი გაგრძელდა, რის შედეგადაც მანქანა მდინარიდან ამოიყვანეს. მანქანაში იმყოფებოდა მძღოლი, რომელიც დაიღუპა.