თბილისი, 8 მარტი — Sputnik. თიანეთიდან ჩრდილო-აღმოსავლეთით, 27 კილომეტრში სოფელ უკანაფშავში 4,0 მაგნიტუდის სიმძლავრის მიწისძვრა მოხდა, ნათქვამია სეისმური მონიტორინგის ეროვნული ცენტრის ინფორმაციაში.
მიწისქვეშა ბიძგები თბილისის დროით 15:28 საათზე დაფიქსირდა.
ნგრევისა და დაშავებულების შესახებ ინფორმაცია არ გავრცელებულა.
დღეს დილით 5,1 მაგნიტუდის სიმძლავრის მიწისძვრა მოხდა სომხეთშიც, საქართველოს საზღვრიდან 45 კილომეტრში. მიწისძვრის ბიძგები საქართველოშიც იგრძნობოდა.