ქალთა საერთაშორისო დღე 1991 წელს, ზვიად გამსახურდიას პრეზიდენტობის დროს გაუქმდა. 8 მარტის ნაცვლად ქვეყანაში აღნიშნავდნენ დედის დღეს 3 მარტს, რომელიც მაშინდელმა პარლამენტმა დაამტკიცა.
მხოლოდ 10 წლის თავზე პრეზიდენტ ედუარდ შევარდნაძის დროს ქვეყანას ქალთა დღე დაუბრუნდა. 2002 წელს პარლამენტმა აღადგინა ქალთა საერთაშორისო დღე როგორც სახელმწიფო დღესასწაული.
თუმცა იმ წლებშიც კი, როცა 8 მარტი ოფიციალურად გაუქმებული იყო ქვეყანაში, ხალხი მაინც აღნიშნავდა ამ დღეს. პარალელურად საქართველოშიც დედის დღეც გახდა ტრადიციული და ქვეყანაშიც ქალთა ორი დღესასწაული დამკვიდრდა.