თბილისის ცენტრში სამძებრო-სამაშველო ოპერაცია დაახლოებით 4 საათი გაგრძელდა. მდინარის ფსკერზე ავტომობილის სამძებრო სამუშაოებში ჩართული იყვნენ მყვინთავები. როდესაც მდინარიდან ავტომობილი ამოიყვანეს, აღმოჩნდა რომ იყო შავი ფერის Ford Fusion.
მანქანაში იმყოფებოდა მძღოლი, რომელიც დაიღუპა. სამართალდამცველების განცხადებით, აღნიშნულ ადგილზე გასულ წელსაც მსგავსი ფაქტი მოხდა.
მომხდარ ფაქტზე სისხლის სამართლის საქმე აღიძრა, დაწყებულია გამოძიება.