თბილისი, 3 მარტი — Sputnik. ალბანეთის დედაქალაქ ტირანაში მიმდინარე საერთაშორისო სარეიტინგო ტურნირზე ბერძნულ-რომაულ სტილით ჭიდაობაში იური ლომაძემ (72 კგ) ოქროს მედალი მოიპოვა, იუწყება „პირველი არხი".
2 მარტს მედლები ექვს წონით კატეგორიაში (55, 60, 72, 82, 97 და 130 კგ) გათამაშდა - ვახტანგ ლოლუა (55 კგ), ამირან შავაძე (60 კგ), გელა ბოლქვაძე (82 კგ) და გიორგი მელია (97 კგ) ვერცხლის მედლებს დაეუფლნენ, ხოლო იაკობ ქაჯაიამ (130 კგ) ბრინჯაოს მედალი მოიპოვა. შესაბამისად, საქართველოს ნაკრები გუნდურ ჩათვლაში პირველ ადგილზე გავიდა.
დღემდე საქართველოს ნაკრების ანგარიშზე მხოლოდ ერთი მედალი იყო – 67 კგ წონით კატეგორიაში ბრინჯაოს მედალი ჯონი ხეცურიანმა მოიპოვა.