თბილისი, 28 თებერვალი — Sputnik. სპეციალურმა საგამოძიებო სამსახურმა ძალადობის ფაქტზე შინაგან საქმეთა სამინისტროს დაცვის პოლიციის დეპარტამენტის ინსპექტორი ამხილა, ნათქვამია უწყების მიერ გავრცელებულ განცხადებაში.
შემთხვევა აჭარის რეგიონში მოხდა. გამოძიების მიხედვით, სამართალდამცველმა სტუმრად ყოფნისას დაზარალებულ მამაკაცს დანის გამოყენებით მიაყენა დაზიანება ხელის არეში, შემდეგ კი ავტომანქანაში ჩანთა დაარტყა შუბლის არეში და სხეულზე დაზიანება მიაყენა.
სპეციალურმა საგამოძიებო სამსახურმა გამოძიება დაზარალებულის მომართვის შემდეგ დაიწყო. გამოძიების ფარგლებში, გამოიკითხა დაზარალებული, დაზარალებულის ოჯახის წევრი და საქმესთან შემხებლობაში მყოფი სხვა პირები, მოპოვებული იქნა ელექტრონული ინფორმაცია და დანაშაულში მამხილებელი სხვა მტკიცებულებები.
საქართველოს პროკურატურის დადგენილებით, სამართალდამცველს ბრალდება ძალადობის ორი ეპიზოდისთვის წარედგინა.
სპეციალური საგამოძიებო სამსახური საქმეზე გამოძიებას საქართველოს სსკ-ის 126-ე მუხლით აგრძელებს, რაც ძალადობას გულისხმობს.