თბილისი, 26 თებერვალი — Sputnik. „საქართველოს რკინიგზამ” უამინდობის გამო 26-28 თებერვალს დაგეგმილი მატარებლების კიდევ რამდენიმე რეისი გააუქმა, ნათქვამია კომპანიის გვერდზე გავრცელებულ ინფორმაციაში.
გარემოს ეროვნული სააგენტოს ცნობით, მთელი საქართველოს მასშტაბით თოვლიანი ამინდი 27 თებერვლამდე შენარჩუნდება. დასავლეთ საქართველოს ტერიტორიაზე კვლავ ყინვა, თოვლი და ქარბუქია ნავარაუდევი.
დიდთოვლობის გამო გაუქმდა შემდეგი რეისები:
26 თებერვალი:
თბილისი - ბათუმი
ბათუმი - თბილისი
ზუგდიდი-თბილისი
თბილისი -ფოთი
ბორჯომი-თბილისი
თბილისი - ბორჯომი
27 - 28 თებერვალი:
თბილისი-ოზურგეთი
ოზურგეთი-თბილისი
ქუთაისი-რიონი
ქუთაისი -რიონი
ქუთაისი- ბათუმი
ქუთაისი-ბათუმი
ბათუმი-ოზურგეთი
თბილისი - ბორჯომი
ბორჯომი-თბილისი.
კომპანიის ინფორმაციით, მგზავრებს ბილეთის საფასური სრულად აუნაზღაურდებათ.
„საქართველოს რკინიგზა" მოსახლეობას ბოდიშს უხდის შექმნილი დისკომფორტის გამო.
დასავლეთ საქართველოს რეგიონებში ინტენსიური თოვა 22 თებერვალს დაიწყო. დიდთოვლობამ დასავლეთ საქართველოს რამდენიმე რეგიონი - აჭარა, სამეგრელო, იმერეთი და გურია დააზარალა.
დიდთოვლობის გამო დასავლეთ საქართველოში მუშაობა შეწყვიტა მუნიციპალურმა ტრანსპორტმა, საბავშვო ბაღებსა და სკოლებში შეჩერდა სასწავლო-სააღმზრდელო პროცესი, ჩახერგილია ცენტრალური და შიდა სასოფლო გზები, ჩამოინგრა საცხოვრებელი სახლები, შეფერხებულია ენერგო და გაზმომარაგება.